මව්කිරි දීමට අදාළව ලංකාවේ ක‍්‍රියාත්මක වන නිර්දේශ මොනවාද?
* බිලිඳා ඉපදී පැයක් ගතවීමට පෙර මව්කිරි දීම අරඹන්න.
* මුල් දින දෙක තුළ මව්කිරි (කොලෙස්ට‍්‍රම්) අනිවාර්යයෙන්ම ලබාදෙන්න.
* පළමු මාස 6 පිරෙන තෙක් (දින 180) මව්කිරි පමණක්ම ලබාදෙන්න.
* මාස හයෙන් පසු අමතර ආහාර ද සමඟ මව්කිරි ලබාදෙන්න.
* දරුවාට අවුරුදු දෙකක් පිරෙන තෙක් මව්කිරි ලබාදෙන්න.
* දරුවා සනසන අස්වසන සූප්පු වැනි දෑ නොදෙන්න.
* මව්කිරි දීමට කාලසටහනක් තබා නොගන්න. දරුවාගේ ඉල්ලූමට අනුව කිරි ලබාදෙන්න.
* රාත‍්‍රියට මව්කිරි දීම නොකඩවාම සිදුකරන්න.
මව්කිරි මෙතරම් වැදගත් වන්නේ ඇයි ?
* දරුවාගේ ශරීර වර්ධනයට සේම මොළයේ වර්ධනයට අවශ්‍ය සියලූ පෝෂක සංඝටක අඩංගු ලොව ඇති එකම ආහාරය වේ.
* මිනිස් මොළය හා සිරුර ප‍්‍රශස්ථව වැඩිවීමට අවැසි වන මේද අම්ල වර්ග 12 හා විවිධ සංයෝග 100 ක් පමණ මව්කිරෙහි අඩංගුය.
* සැමවිටම මව්කිරි නැවුම් සහ නියමිත උෂ්ණත්වයේ පවතී.
* පහසුවෙන් දිරවන සුලූ සහ දරුවාගේ ජීරණ පද්ධතියේ ක‍්‍රියාවන් ක‍්‍රමානුකූල කරයි.
* දරුවා ආසාදනවලින් ආරක්‍ෂා කරයි. පාචන රෝග, සෙම් රෝග, සෙම්ප‍්‍රතිශ්‍යාව, ඇදුම, දියවැඩියාව, කනේ ආසාදන, සමේ ආසාදන, හෘද රෝග, අධි රුධිර පීඩනය, අධික තරබාරුව සහ මුත‍්‍රා ආසාදනවලට ගොදුරුවීමේ අවදානම අඩුය.
* දත් දිරායෑම අඩුය. මුහුණේ මංශපේෂී සහ මුඛ කුහරය හොඳින් වැඬේ.
* මවත්, දරුවාත් අතර ජීවිත කාලය පුරාවට පවතින දැඩි මානසික බැඳීමක් ඇතිවේ.
* සූප්පු බෝතල්වලින් පිටිකිරි බිවු දරුවන්ට වඩා මව්කිරි බී වැඩුණු දරුවන්ගේ බුද්ධි ඵලය (ෂූ අගය) ඒකක අටකින් වැඩිය.
* මවට පියවුරු පිළිකා, ඩිම්බකෝෂ පිළිකා සෑදීම සහ පසුකාලීනව අස්ථි දුර්වලවීමේ රෝග තත්ත්ව සෑදීමේ අවදානම අඩුය. මව් සිරුරේ අනවශ්‍ය මේද දිය වී යන නිසා සිරුරේ හැඩය රැකගැනීමට, තරබාරුව අඩුකිරීමට හේතු වෙයි.
* මවට ජීවිතයේ මෙතෙක් නොලද සතුටක් සැනසීමක් සමඟ මවක වීමේ අභිමානය ලබාදේ.
* පවුලේ වියදමට බලපෑම් නැත. සකසා ගැනීමට කාලය ශ‍්‍රමය වැය නොවේ.
* දරුවා සමඟ ගමන් යනවිට ළදරු ආහාර පිළිබඳ වධ විය යුතු නොවේ.
පවුල් සෞඛ්‍ය සේවා නිලධාරිනී, සෙනෙහස සංවිධානයේ නිර්මාතෘ ශ්‍යාමලී පතිරගේ
