සම වයසට යාම වළක්වනවා
නෙල්ලි සහ මීපැණි යනු අකල්හී වයසට යාම කියන තත්වය වළක්වාලමින් ඔබේ සම පෝෂණය කරන ඉතාමත්ම ගුණදායී සංයෝගයකි. එය පරිභෝජනය කරන විට ඔබේ සමට ස්වාභාවික දීප්තියක් ලැඛෙන අතර සම නැවත පුනර්වර්ධනය වීමක්ද සිදුවෙනවා. මීපැණි වල පොගවන ලද නෙල්ලි තේ හැන්දක් දිනපතා පරිභෝජනය කරනවානම් ශරීරය තිරිහන් කරගන්නට ඔබට පුළුවන්. සමහරු නෙල්ලි වියලා කුඩු බවට පත්කර ගබඩා කරගැනීමටද පුරුදුව සිටිනවා. අවශ්‍ය නම් එම කුඩු වලින් තේ හැන්දක් මීපැණි ස්වල්පයක් සමග උනත් ඔබට පරිභෝජනය කලහැකියි.
සෞඛ්‍ය දෝෂයන් සඳහා
මීපැණි වල පොගවන ලද නෙල්ලි අනුභව කරනවිට බොහොමයක් ලෙඩ රෝග වලින් ඔබව ස්වාභාවිකවම ආරක්ෂා වෙනවා. අක්මාවේ ක්‍රියාකාරීත්වය වැඩිදියුණු කරමින් සෙංගමාලය කියන සෞඛ්‍යය තත්වයට ප්‍රතිකාර කිරීමේ සුවිශේෂී හැකියාවක්ද ඊට තිඛෙනවා. ඊට අමතරව ශ්වාසනාලිකා ප්‍රදාහය, ඇදුම සහ අනෙකුත් ශ්වසන දෝෂ සඳහාද මෙම සංයෝගය දිව්‍යමය ඖෂධයකි. ප්‍රතිඔක්සිකාරක වලින් පොහොසත් නෙල්ලි සහ මීපැණි අනුභව කිරීමේදී ශරීරයේ ඇති ෆ්‍රී රැඩිකල්ස් උදාසීන වන නිසා පිළිකාවන් වැළඳීමද වැළකෙනවා.
ආසාදනයන් ඇතිවීම වැලැක්වීම
මෙම සංයෝගයටම ඉගුරු යුෂ ස්වල්පයක් එකතු කරගත්තොත් කැස්ස සහ උගුරේ ඇතිවෙන නොරිස්සුම් තත්වයන් සඳහා ක්ෂණික සහනය සලසා ගන්නට ඔබට පුළුවන්. මීපැණි වල සහ නෙල්ලි වල බලවත් ප්‍රතිබැක්ටීරියාකාරක ගුණාංගයක් අන්තර්ගතව තිඛෙන නිසා අසාදන තත්වයන් සමග හොඳින් සටන් කිරීමේ පුදුමාකාර හැකියාවක් ඊට තිඛෙනවා.
ජීරණ දෝෂයන් සඳහා
ආහාර ගැනීමට පෙර මෙය පරිභෝජනය කිරීමෙන්, ජීරණය වැඩිදියුණු වෙන අතර ආහාර රුචිය වැඩිවීමක්ද සිදුවෙනවා. මලබද්ධය නිසා ඇතිවෙන වේදනාව වගේම ඖෂධ ලබාගන්නා විට ඇතිවෙන වේදනාව සමනය කිරීම සඳහාද මෙම සංයෝගයට ඇත්තේ සුවිශේෂී හැකියාවකි.
විෂහරණය
විටමින් සී වලින් පොහොසත් නෙල්ලි මීපැණි සමග සංයෝග වන විට ඔබේ ශරීරයේ ඇති විෂ ද්‍රව්‍ය වඩාත් හොඳින් ඉවත් කිරීමේ හැකියාවක් ඊට ලැඛෙනවා. වතුර සහ මීපැණි එකතුකොට සකසාගත් නෙල්ලි යුෂ එකක් උදෑසන පානය කරනවානම් ඔබේ ශරීරයේ ඇති අනවශ්‍ය බර අඩුවෙනවා.
ප්‍රජනන දෝෂයන් සඳහා
නෙල්ලි සහ මීපැණි නිතර පරිභෝජනය කරනවිට කාන්තාවන්ගේ සහ පිරිමින්ගේ ප්‍රජනන දෝෂයන් සමනය වෙනවා. ඊට අමතරව මාසික ආර්තවයේදී සිදුවෙන මස්පිඩු පෙරලීම කියන තත්වය සමනය කිරීමේ සහ අවිධිමත් ආර්ථවය කියන තත්වයට ප්‍රතිකාර කිරීමේ සුවිශේෂී හැකියාවක්ද ඊට තිඛෙනවා.
හිසකෙස් වල දෝෂයන් සඳහා
නෙල්ලි යනු හිසකෙස් නිෂ්පාදන සඳහා භාවිතා කරන ප්‍රසිද්ධ අමුද්‍රව්‍යයකි. දුර්වල හිසකෙස් ශක්තිමත් කරගැනීමට සහ අවර්ණවී ඇති හිසකෙස් මෘදු සහ දීප්තිමත් කරගැනීමට ඔබ කලයුතු වන්නේ මීපැණි සහ නෙල්ලි සාරය හිසකෙස් වල ගැල්වීම පමණයි.
කුඩා දරුවන් සඳහා
පිරිසිඳු නෙල්ලි ගෙඩි මීපැණි වල ගිල්වා තබනවානම් බොහෝ කාලයක් තබාගන්නට ඔබට පුළුවන්. ටික කලක් යන විට එය ජෑම් වැනි ස්වභාවයකට පත්වෙන නිසා ඔබේ කුඩා දරුවා එය රසකර අනුභව කරාවි. නොදුටු ලෝකයට වාර්තා වෙන පරිදි, ඔබේ දරුවාගේ ඇස් වල පෙනීම වැඩිදියුණු කරන විටමින් සහ ඛනිජ වර්ග එහි බහුලවම අන්තර්ගතව තිඛෙනවා.
මීපැණි වල පොගවන ලද නෙල්ලි අනුභව නොකරනවානම් ඉන් ඔබට සිදුවෙන්නේ විශාල පාඩුවක් බව මෙය කියවන විට ඔබට අවබෝද වෙන්නට ඇති. එම නිසා අදම නෙල්ලි සහ මීපැණි සංයෝගය අනුභව කිරීමට ඔබත් පුරුදු වන්න.
- 24newslanka
