රසට ලේසියට මේ කේක් වර්ග හදාගන්න පුළුවන්.
1. Pressure Cooker Chocolate Cake
අවශ්ය ද්රව්ය
- පිටි කප් 3\4
- බේකින් සෝඩා තේ හැඳි 3\4
- සීනි කප් 1\2
- ලුණු තේ හැඳි 1\4
- කොකෝවා පව්ඩර් මේස හැඳි 3
- බටර් මේස හැඳි 3 (කාමර උෂ්ණත්වයේ තබාගත්)
- බිත්තර 1
- වතුර කප් 1\4
- කිරි කප් 1\4
- දෙහි යුශ තේ හැඳි 1\2
- වැනිලා තේ හැඳි 1\2
- පිටි, ලුණු සහ බේකින් සෝඩා එකට මිශ්ර කර තුන් වරක් හලාගන්න.
- වෙනම බෝල් එකක බටර් සහ සීනි කැට නැති වෙනතුරු හොඳින් බීට් කරගන්න. මෙයට බිත්තරයද එක් කර නැවත බීට් කරගන්න. (ඉලෙක්ට්රික් බීටරයක් නැතුව උවද බීට් කරගන්න පුළුවන්)
- මේ මිශ්රණයට වතුර සහ කොකෝවා එක් කර කොකෝවා හොඳි මිශ්ර වන තුරු හොඳින් මිශ්ර කර දෙහි යුශ සහ වැනිලාද එක් කර මිශ්ර කරගන්න. කිරි ටික එක් කරගෙන හෙමින් මිශ්ර කරගන්න.
- මේ මිශ්රණයට පිටි ටික දෙවරකට එක් කරගෙන සාමාන්ය ආකාරයට එකම පැත්තකට මිශ්ර කරගන්න.
- හොඳින් බටර් තවරාගත් අඟල් 6 විශ්කම්භය ඇති රවුම් කේක් තැටියකට මිශ්රණය දමා ගන්න. ප්රෙශර් කුකර් එක සාමාන්ය ගින්දරේ රත් වෙන්න තියන්න. (වතුර පුරවන්න අවශ්ය නැහැ.)
- කේක් තැටිය ප්රෙශර් කුකර් එක තුල පරිස්සමෙන් තබාගන්න. ප්රෙශර් කුකර් එක වසා ලිපේ ගින්දර හොඳටම අඩු කර විනාඩි 45ක් පමණ තියෙන්නට හරින්න. ටූත්පික් එකක් ගසා බලා කේක් එක හොඳින් පිසී ඇත්නම් පිටතට ගෙන නිවෙන්නට හරින්න.
2. Steamed Cupcakes
අවශ්ය ද්රව්ය
- බිත්තර 2
- සීනි 150g
- පාන් පිටි 250g
- පිටි කිරි 50g
- බටර් තේ හැඳි 1
- ස්ප්රයිට් 200ml
- ස්ටීමර් එක රත් වෙන්නට තබන්න. ඒ අතර තුර පිටි සහ කිරිපිටි එකට මිශ්ර කර හලාගන්න.
- සීනි, බටර් සහ බිත්තරය එකට හොඳින් විනාඩි 10ක් පමණ මිශ්ර කරගන්න. එයට පිටි සහ ස්ප්රයිට් මාරුවෙන් මාරුවට එක් කරමින් මිශ්ර කරගන්න.
- ස්ටීම් කල හැකි කුඩා කප් කීපයක් ගෙන ඒවායින් 3\4ක් පිරෙන්නට මිශ්රණය පුරවා ස්ටීමරයේ තබා විනාඩි 15ක් 20ක් පමණ ස්ටීම් කරගන්න.
3. Pineapple Upside Down Cake
අවශ්ය ද්රව්ය
- බටර් කප් 1\4
- දුඹුරු සීනි කප් 2\3
- පාන් පිටි කප් 1 1\3
- බේකින් පව්ඩර් තේ හැඳි 1 1\2
- සීනි කප් 1
- තෙල් කප් 1\3
- අන්නසි පෙති
- කිරි කප් 3\4
- ලුණු තේ හැඳි 1\2
- ලොකු බිත්තරයක්
- පෑන් එකක් ලිප තබා බටර් ටික එහි දියකරගන්න. එයට උඩින් දුඹුරු සීනි ඉසගන්න. ඒ මතින් කපාගත් අන්නසි පෙති පෑන් එකේ අඩිය වැසෙන්නට අතුර ගන්න.
- ඉතිරි සියලුම ද්රව්ය මිශ්ර කර හොඳින් බීට් කරගන්න. මිශ්රණය අන්නසි පෙති උඩින් වත්කර පෑන් එක තෝසේ තැටියක් මත තබා හොඳින් පියනකින් වසා අඩුම ගින්දරේ විනාඩි 45ක් පමණ පිසගන්න. ටූත්පික් එකකින් ඇන කේක් එක පිසී ඇත්නම් ලිපෙන් ඉවත් කරගන්න.
4. Basic Cheesecake
අවශ්ය ද්රව්ය
- ක්රීම් ක්රැකර් 250
- බටර් මේස හැඳි 11
- සීනි මේස හැඳි 2
- ක්රීම් චීස් 450
- මිල්ක්මේඩ් කප් 1 1\4
- දෙහි යුශ කප් 1\4
- වැනිලා තේ හැඳි 1
- ක්රීම් ක්රැකර්ස් ටික හොඳින් කුඩු කරගන්න. එයට බටර් සහ සීනි එක් කර හොඳින් අනාගන්න.
- ස්ප්රින්ග් ෆෝම් පෑන් එකක් ගෙන මිශ්රණය එයට දමා අඟල් 2ක් පමණ වටේට සිටින ලෙස අතින් තද කරමින් තුනී කර විනාඩි 20ක් ෆ්රීස් කරගන්න.
- වෙනම බෝල් එකක ක්රීම් චීස් ස්මූත් වන තුරු බීට් කරගන්න. එයට මිල්ක්මේඩ් ටික විටින් විට එක් කරගන්න. එයටම වැනිලා සහ දෙහි යුශ එක් කරගන්න.
- චීස් මිශ්රණය සාදා ගත් ක්රස්ට් එක මැදට පුරවා පැතලි හැන්දකින් සමතලා කර පැය 3ක් ශීතකරණයේ තබන්න. කැමති පලතුරකින් සරසාගන්න.
5. Steamed Brown Cake
අවශ්ය ද්රව්ය
- කුකින් චොකලට් 200
- බටර් කප් 3\4
- දුඹුරු සීනි කප් 3\4
- සීනි කප් 1\4
- වැනිලා මේස හැඳි 1
- බිත්තර 3
- සාදික්කා කුඩු තේ හැඳි 1\2
- කිරි කප් 1\4
- පිටි කප් 1
- බේකින් පව්ඩර් මේස හැඳි 1
- බේකින් සෝඩා තේ හැඳි 1\2
- කුකින් චොකලට් ටික ඩබල් බොයිල් කර දියකරගන්න. එයට සීනි වර්ග දෙක සහ බටර් එක් කර මිශ්ර කරගන්න.
- මිශ්ර කරන ගමන්ම කිරි, වැනිලා සහ බිත්තර එක් කරගන්න. හොඳින් මිශ්ර වූ පසු සාදික්කා කුඩු සහ බේකින් පව්ඩර්, බේකින් සෝඩා මිශ්ර කරගත් පිටි එක් කර නැවත මිශ්ර කරගන්න. (බීට් කරනවා නම් අඩු ස්පීඩ් එකකින් බීට් කරගන්න.)
- මිශ්රනය රවුම් කේක් තැටියක දමා හොඳින් ෆොයිල් එකකින් ආවරණය කර වතුර පුරවා ගත් භාජනයක් තුල තබා විනාඩි 40ක් ඩබල් බොයිල් කරගන්න. අයිස් ක්රීම් සමඟ හෝ නිකම්ම පිලිගන්වන්න පුළුවන්.